Биыл Ақмола облысының диқандары 4,6 миллион гектар алқапқа астық егуді көздеп отыр (ФОТО)

Биылғы жылы Ақмола облысының диқандары барлығы 4,6 миллион гектар алқапқа дән екпек - М.БалпанОның айтуынша, осы күні облыста биылғы көктемгі дала жұмыстарын өткізуге агроөндірістік кешенді дайындау жұмыстары аяқталды. Қазір өңір диқандарының алдында уақытында әрі тиісті агротехникалық деңгейде көктемгі егісті өткізу және мол астық алудың негізін қалау міндеті тұр.

«Облыс бойынша көктемгі егіс 4,6 миллион гектар алқапта өткізу жоспарланған. Оның ішінде дәнді және бұршақты дақылдар 4,2 миллион гектар алқапқа сіңіріледі. Негізгі азық-түліктік дақыл - жаздық бидай 3,7 миллион гектар жерге себіледі. Бұл өткен жылғы деңгейден 94,5 мың гектарға артық. Майлы дақылдар алқабы 206,7 мың гектарды құрайды. Бұл биылғы жылы майлы дақылдар өсіру технологиясын сақтауға және өңірде майлы дақылдар тұқымы өндірісі көлемін арттыруға мүмкіндік береді»,-деді басқарма басшысы.

Еске сала кетейік, кеңеске облыс әкімі Сергей Кулагин және өңірдегі ауыл шаруашылығы тауарларын өндірушілер, аудан әкімдері және сала мамандары қатысуда.