Таразда ЖҚЖК аясында 933 адам жұмыспен қамтылды
22 Сәуір, 2016 20:13
Таразда ЖҚЖК аясында 933 адам жұмыспен қамтылды . Бұл туралы «100 нақты қадам» – Ұлт жоспарының жүзеге асырылу барысы туралы Өңірлік коммуникациялар қызметінде өткен брифинг барысында Тараз қаласының әкімі Нұржан Календеров хабарлады.
«Жұмыспен қамту жол картасы - 2020» бағдарламасы бойынша 2015 жылы қаржыландыру көлемі 188,8 млн.теңгені құрады. Барлығы 637 адам жұмыспен қамтылып, оның ішінде тұрақты жұмыспен 490 адам немесе 76,9%-ды құрады. Ағымдағы жылы осы бағдарлама аясында жалпы 2 млрд. 088 млн. теңге бөлініп, 933 адамды жұмыспен қамту жоспарлануда.
«Бизнестің жол картасы - 2020» бағдарламасы аясында, 2015 жылы 3 млрд. 438 млн. теңгеге 69 жоба іске асырылса, 2016 жылдың өткен мерзімінде жалпы 1 млрд. 244 млн. теңгеге 13 жоба бойынша жеңілдетілген несие беру келісімдері қарастырылуда»,-деді Н.Календеров .
