Тараз қаласында жаңа 1000 орындық мектеп салынып жатыр
22 Сәуір, 2016 17:31
Тараз қаласында жаңа 1000 орындық мектеп соғылуда.Бұл туралы «100 нақты қадам» – Ұлт жоспарының жүзеге асырылу барысы туралы Өңірлік коммуникациялар қызметінде өткен брифинг барысында Тараз қаласының әкімі Нұржан Календеров мәлімдеді.
«Білім беру нысандарын дамыту бойынша ағымдағы жылы «Кирпичник» және «Құмшағал» тұрғын алқаптарындағы екі 300 орындық мектептердің құрылыстары аяқталатын болады. 2017 жылы «Салтанат» мөлтек ауданындағы 1000 орынға арналған мектептің құрылысы аяқталады»,-деді Н.Календеров.
Қала әкімінің айтуынша, ҚР білім беруді дамытудың 2011-2020 жылдарға арналған мемлекеттік бағдарламасы бойынша ағымдағы жылы 530 орынды құрайтын 2 балабақшаны іске қосу жоспарлануда. Атап айтсақ: бюджет қаражаты есебінен «Салтанат» мөлтек ауданындағы 280 орынды балабақша және «Зербұлақ» маңынан 250 орынды жеке балабақша.
