Т.Дүйсенова: 6 жылда жұмыссыз әйелдер деңгейі 6,6%-дан 5,7%-ға дейін төмендеді

«Осы жылдың 6-ші сәуірінде ел Президенті халықтың жұмыспен қамтылуы туралы заңға қол қойды. Заңда азаматтардың жұмысқа орналасуы бойынша бірқатар жаңа нормалар қарастырылған. Айталық, әлеуметтік жұмыс орынын қосқанда 7 жасқа дейінгі бала күтімі , мүгедек баласы бар, 1 және 2 топтағы мүгедекке күтім жасайтындар үшін барлық жағдайлар ескерілген. Жұмыспен қамту шараларын жүзеге асырғанның арқасында экономикалық өсім артып, жұмыссыздық деңгейі төмендеді»,-деді Т.Дүйсенова.

2010-шы жылмен салыстырғанда жұмыссыздық 5,8%-дан 5%-ға дейін төмендеді, ал әйелдердің жұмыссыздық деңгейі 6,6%-дан 5,7%-ға дейін төмендеген.

«Отбасы саясатының негізгі бағыты мен қызметі бойынша сенімді әлеуметтік кепілдік отбасын бүтіндей мемлекеттік қолдау жүйесін құруға әкелді. Мемлекет басшысының 2015-ші жылдың 30-шы қарашасындағы халыққа Жолдауында экономикалық тәуекелдерге қарамастан халықты әлеуметтік қолдау жалғаса беретінін айтқан болатын. Сондықтан, әрбір отбасыға берілетін жәрдемақылар мен қызметтер бала туу көрсеткішінің артуына септігін тигізуде. Көп балалы аналар мен мүгедек балаларды бағып отырғандарға да тиісті жәрдемдер жасала беретін болады»,-деді Т.Дүйсенова.

Ботагоз Айтжанова