• Басты
  • ҚР-да соңғы 10 жылда бизнестегі әйелдер үлесі 38 пайыздан 50 пайызға өсті

ҚР-да соңғы 10 жылда бизнестегі әйелдер үлесі 38 пайыздан 50 пайызға өсті

22 Сәуір, 2016 11:19
ҚР-да соңғы 10 жылда бизнестегі әйелдер үлесі 38 пайыздан 50 пайызға өсті, деді Мемлекеттік хатшы Гүлшара Әбдіқалықова «2006-2016 жылдарға арналған ҚР гендерлік теңдік Стратегиясының жүзеге асырылуының қорытындылары» атты Халықаралық конференцияда.

«Әйелдердің экономикалық мүмкіндіктері кеңеюде. Ұлттық комиссия мен республикадағы құзыретті органдардың бірлескен күшімен елде әйелдердің қатысуымен бизнестің белсенді саласы пайда болды. Стратегияның жүзеге асуына дейін бизнестегі әйел үлесі 38 пайыз болған, қазір 50 пайызға жетіп отыр. 2006 жылы әйелдер жұмыссыздығының деңгейі 9,2 пайыз, 2015 жылы 5,6 пайызға жетті. Бүгінгі таңда әйелдер бизнесін дамыту «Бизнестің жол картасы-2020», «Жұмыспен қамтудың жол картасы-2020» мемлекеттік бағдарламалары мен «Даму»  қоры негізінде дамуда», - деді Г.Әбдіқалықова.

Мемлекеттік хатшы атап өткендей, қабылданған шаралар Қазақстанға әйелдердің бизнестегі үлесі бойынша Дүниежүзілік экономикалық форумның жаһандық индексіндегі  көрсеткішінде 25 орынға ие болуға үлес қосты.

Анар Тәңірқұлова

Барлық жаңалықтар