Ұлтық сот жүйесі қоғамның тұрақтылық кепіліне айналуы керек – Н. Назарбаев

Форумға қатысушылар сот төрелігінің тәуелсіздігі, сот құрылысын жетілдіру, құқық қорғау механизмдерін жетілдіруде соттардың рөлі, соттардың ашықтығы мен қолжетімділігі, сондай-ақ судья кадрлардың кәсіби және адамгершілік деңгейін арттыру мәселелерін талқылайды. Съезде сот жүйесінің имиджін арттыру туралы, судьялар қоғамдастығы органдарын дамытудың перспективалары, судьялардың әлеуметтік кепілдіктері және басқа да мәселелері туралы талқылады.

Елбасы барлық салада құқықтық жүйенің бәсекелестік қабілетін арттыру «Қазақстан-2050» Стратегиясының басым бағыттарының бірі екенін еске салды.

VI судьялар съезінің негізгі міндеті, Мемлекет басшынысың айтуынша, еліміздегі сот саласының беделін, тәуелсіздігі мен тиімділігін арттыру бойынша ауқымды жұмыстарының басым бағыттары мен нақты тетігін айқындау болуы тиіс. 

«Қазақстан соты қоғамға адал қызмет етуі керек. Дәл осы қазақстандық судьялардың басты мақсаты. Олардың жасаған істері Стратегия-2050 жүзеге асуына өз септігін тигізуі керек. Мен Қазақстанның 2 мыңнан астам сот корпусы біздің мақсатиымыздың жүзеге асуына өз септігін тигізеді деген сенімдемін», - деді ҚР Президенті.

Шараға Ресей, Молдова, Украина, Қырғызстан және Грузия Жоғарғы соттарының делегациялары бар. Алыс шетелден Біріккен Араб Әмірліктерінен, Сауд Арабиясынан және Германиядан шақырылған қонақтар, ЕҚЫҰ, БҰҰДБ, Европалық Одақтың Қазақстан Республикасындағы Өкілдігінің өкілдері, сондай-ақ Тәуелсіз Мемлекеттер Достастығы Экономикалық Сотының және Еуразиялық Экономикалық Сотының судьялары қатысты.