Г.Әбдіқалықова: Демократиялық қоғам құрудағы басты бағыттардың бірі гендерлік теңгерімге қол жеткізу (ФОТО)
«Биыл Қазақстан Тәуелсіздігіне 25 жыл толады. Демократиялық қоғам құрудағы басты бағыттардың бірі гендерлік теңгерімге қол жеткізу. 2005 жылы Мемлекет басшысы Нұрсұлтан Назарбаевтың тапсырмасымен 2006-2016 жылдарға арналған Гендерлік теңдік стратегиясы әзірленіп, бекітілді. Қабылданған Стратегия жоғары саяси санасы бар және азаматтық өзектілігімен қоғамдық жолдағы мемлекетіміздің маңызды қадамы болды»,-деді ол.
Мемхатшының айтуы бойынша, Қазақстан Стратегиясының іске асуы барысында көптеген атаулы нәтижелерге қол жеткізді.
«Дамыған институционалдық негіз құрылды, гендрлік теңдік саласында 12 халықаралық құжат ратификацияланды. Қазақстан БҰҰ-ның 4 негізгі құжатына қосылды; Президент жанында әйелдер және отбасылық-демографиялық саясат атты Ұлттық комиссия жұмыс істейді; Әйелдерге қатысты кемсітудің барлық түрлерін жою туралы БҰҰ комитетінің ұсыныстары орындалды; Гендрлік саясат 2 заңмен реттеледі, барлық меморгандарда гендерлік саясатты іске асыруды қалыптастыру үшін жауапты адамдар анықталды, гендірлік сараптама бойынша үлкен жұмыс атқарылды»,-деді ол.
Анар Тәңірқұлова
