Қарағанды жол бөлімшесінде сигналдық өтпенің жаңа жүйесі тәжірибелік пайдаланудан өтуде – ҚТЖ
21 Сәуір, 2016 20:27
«Казцентрэлектропровод» ЖШС әзірлеген микропроцессорлық автоматты сигналдық өтпе Нұра-блок-пост 691-692 шақырым аралығында тәжірибелік пайдаланудан өтуде, деп хабарлады «ҚТЖ» ҰК» АҚ баспасөз қызметі.
Автоматтандырылған жаңа жүйе теміржол өтпесіндегі жағдайды қашықтан бақылауға, электр қуатын пайдаланудан туатын шығындарды азайтуға жол ашады.Ол көп функционалды және қозғалыс қауіпсіздігін жоғары деңгейде қамтамасыз етеді. Бұл инновациялық әзірлеу «ноу-хау» элементтерін қамтып, заманауи темір жол автоматикасы, телемеханика жүйелеріне бейімдеуге мүмкіндік береді.
«Жаңа жүйені сынақтан өткізіп жатқан аралықта көптеген жүк және жолаушылар пойызы, оның ішінде «Тұлпар-Тальго» пойыздары қатынайды. Тәжірибелік сынақтар аяқталып, нәтиже белгілі болғаннан кейін аталған жүйенің бәсекеге қабілеттілігі анықталады»,- деді «ҚТЖ» ҰК» АҚ ғылыми-зерттеу орталығының бөлім бастығы Камшат Хубиева.
