Қостанай облысының делегациясы Татарстанның индустриалды аймақ құру тәжірибесін меңгерді

21 Сәуір, 2016 17:06

Іскерлік байланысты нығайтып, жаңадан өзара тиімді ынтымақтастық тұстарын қарастыру мақсатында Қостанай облысының делегациясы Татарстан Республикасына барды. Делегация құрамында «Тобыл» ӘКК-ң өкілдері мен ірі өндірістік және ауыл шаруашылық кәсіпорын басшылары бар.

Екі күндік жұмыс сапары барысында қостанайлық кәсіпкерлер «Ақ барыс» Құс шаруашылығы» АҚБ-ң Лаишевский ыилиалында, «Майский» жылыжай комбинаты мен «Форд соллерс» автомобиль зауытында болды.

Қостанай облысында екі индустриалды аймақ құрылысын жүргізу мен алдағы уақытта өндірістік кәсіпорынды кеңейту мүмкіндіктері жөнінде және автокомпонент кәсіпорынын құру бойынша Татарстан Республикасының индустриалды аймақ құру тәжірибесін меңгерді.

Нысандарды аралау барысында Қостанай облысының әкімі Архимед Мұхамбетов пен Татарстан Республикасының Премьер-министрі Ильдар Халиков ынтымақтастықтың нақты перспективаларын талқылады.

Сонымен қатар, сапар барысында Татарстан Республикасының президенті Рустам Минниханов пен облыс әкімі Архимед Мұхамбетовтың кездесуі болды.
Р.Минниханов біздің елдердің ғасырлық тарихи байланысы бар екенін атап өтті.

«Ынтымақтастықты дамыту мәселесіне назар аударғандарыңызға ризамын. Біз бауырлас елдер арасындағы байланысты нығайтуда көптеген істерді тындырып жүрген Қазақстан Президенті Нұрсұлтан Назарбаевқа разымыз»,-деп атап өтті Татарстан Президенті.

Еске сала кетейік, Қазақстан мен Татарстан арасындағы ынтымақтастық жақсы дамып келеді. Ынтымақтастық туралы Келісім 1996-шы жылдан бері іске асып келеді. Қазан қаласында Қазақстанның бас консульдығы жұмыс істейді. Ал, Астанада Татарстанның Өкілетті өкілдігі бар.

Барлық жаңалықтар