Білім саласын тексерудің нәтижесінде бюджетке 217,4 млн. теңге қайтарылды – Есеп комитеті

21 Сәуір, 2016 13:17

Есеп комитеті ҚР Білім және ғылым министрлігінің республикалық бюджет қаржысын пайдалануы бойынша техникалық, кәсіби және орта мектептен кейінгі білім беру салаларына тексеру жүргізді. Тексеріс барысында 500 млн. теңге қаржылық құқықбұзушылықтар анықталып, республикалық бюджетке 217,4 млн. теңге қайтарылды.

«Тексеріс нәтижесі көрсеткендей, техникалық, кәсіби және мектептен кейінгі білім беру салаларында толыққанды шешілмеген бірқатар мәселелер бар. ҚР БҒМ 2014-2015 жылдардың қорытындысы бойынша стратегиялық жоспарлардың көрсеткіштеріне жете алмаған. 2015-ші жылы мемлекеттік білім беру тапсырысы бойынша оқитын жалпы саны 76 600 адамның 38 353-і ғана жұмысқа орналастырылған. Яғни 50 % ғана деген сөз. Аталмыш айғақ мемлекеттік және жергілікті атқарушы органдардың маман тапшылығын қамтамасыз етуде дұрыс үйлестірмегенін көрсетеді»,- деп атап өтті республикалық бюджеттің орындалуын бақылау бойынша Есеп комитетінің мүшесі Иманжүсіп Ақпомбаев.

«Мемлекеттік тексеріс барысында 301,35 млн. теңге қаржы қалпына келтіріліп, 217,4 млн. теңге республикалық бюджетке қайтарылды»,-деді Есеп комитетінің мүшесі.

Есеп комитетінің төрағасы Қозы-Көрпеш Жаңбыршин техникалық, кәсіби және орта білімнен кейінгі білім беру салалары экономикамыздың дамуында үлкен рөл атқарады. Сондықтан, осы тексеріс қорытындысын Мемлекет басшысына жеткіземіз деді.

Барлық жаңалықтар