«Дала қыраны» оқу-жаттығуы аясында 500-ден аса әскери қызметші және шамамен 60 бірлік жауынгерлік және арнайы техника жұмылдырылды (ФОТО)
Жалпы алғанда, 2016 жылдың 11 сәуірінде басталған оқу-жаттығуға 500-ден аса әскери қызметші және шамамен 60 бірлік жауынгерлік және арнайы техника тартылды. Бітімгершілік оқу-жаттығудың алғашқы фазасының соңғы күнінде 10 оқу нүктесі өрістетілді.
Онда әскери қызметшілер көлік пен адамдарды тексеру, елді мекенде жерүсті және әуеден патрульдеу, базаны күзету, тобырды тоқтату, медициналық көмек көрсету және жаралыларды көшіру, сондай-ақ суды шығару мен тазарту, алыс қашықтықтарға ізгілік жүкті алып жүру және қолдан жасалған жарылғыш құрылғыларды анықтау бойынша тапсырмаларды пысықтады.
Оқу-жаттығу барысында әскери қызметшілер блок-бекетке шабуыл жасаған лаңкестерді залалсыздандыру бойынша іс-қимылдарды пысықтады. Ниет бойынша олар машинаны жарды және бір әскери қызметші ауыр жарақат алды. Парамедиктердің жеделділігінің арқасында алғашқы медициналық жәрдем көрсетілді және жаралы бітімгерші лазаретке жеткізілді.
Бітімгершілік взводтың үйлесімді іс-қимылдарымен лаңкестер залалсыздандырылды. Келесі кезең бітімгершілердің тобырды басып тоқтатуы кезіндегі іс-қимылдарды пысықтау болды. Ниет бойынша елді мекенді патрульдеу кезінде Қазбаттың бітімгершілік миссиясын жүргізу кезінде әскери қызметшілер босқындардың басқыншылық тобырына тап болды.
Бітімгершілер тобының командирі жағдайдың бақылаудан шығып кетпеуін сақтандыру үшін тобырды қалқандармен, келдектер және әскери техникамен тоқтатуға шешім қабылдады. Ереуілге шыққан босқындардың көшбасшысымен келіссөз арқылы тараптар ымыраға келді және әскерилердің тарапынан барлық қажетті көмек көрсетілді. Әскери қызметшілердің айтуынша, дайындық кезеңінің бірінші фазасы сәтті өтті. Барлық діттеген мақсаттарымызға қол жеткіздік, жеке құрам қойылған тапсырмаларды орындауға әзір (БҰҰ-ның бітімгершілік миссияларына ұсыну).
