Дүниежүзілік банк Қазақстанмен ынтымақтастық барысында 7 млрд доллар инвестиция салды – ҚР ҰЭМ

«Дүниежүзілік банкҚазақстан Республикасымен ынтымақтастық барысында 1992 жылдан бері Қазақстанға 6,8 млрд доллардан астам инвестиция салды»,-деді Е.Досаев.

Сонымен қатар, ол өз сөзінде аталмыш қаражат жол және әлеуметтік инфрақұрылымды дамытуға, шағын және орта бизнес бәсекелестігін арттыруға, білім және денсаулық сақтау жүйелерін жаңғыртуға, кедендік және салықтық жүйелерін әкімшілендіруін оңтайландыруға, қоршаған ортаны қорғауға жәрдемдесуге бағытталатындығын айтып өтті.

Сондай-ақ, ол, 2014 жылдың мамыр айында Мемлекет басшысының бастамасымен Қазақстан мен Дүниежүзілік банк арасындағы ынтымақтастықты одан әрі нығайту мақсатында Серіктестік туралы негіздемелік келісімге қол қойылды. Оның шеңберінде 2016-2021 жылы жалпы құны 4,9 млрд доллар, оның ішінде 4.3 млрд долларды құрайтын бірлескен жобалар іске асырылатындығын еске салды.

ҚР мен Дүниежүзілік банк арасындағы ынтымақтастықты нығайту мақсатында 2016 жылдың 21 қаңтарында Давоста өткен Дүниежүзілік экономокалық форум барысында ҚР Үкіметі мен Дүниежүзілік банк арасында ҚР кеңселер құру және жұмыс істеуі туралы келісімге қол қойылды. Аталмыш келісім бұрыңғы келісімді алмастырады.

Дүниежүзілік Банк қызметкерлері үшін тең құқықтарды қамтамасыз ету мақсатында жалақысынан салықтар мен әлеуметтік сақтандыру төлемдерінен иммунитет қамтамасыз етіледі, ал ол 2004 жылы Қазақстанмен ратификацияланған келісімнің баптарында қарастырылмаған болатын.