Ереванда ҰҚШҰ аясындағы өзара даму мәселесі талқыланды

21 Сәуір, 2016 09:13

Ереванда ҰҚШҰ елдерінің сыртқы істер министрлерінің орынбасарларының консультациялары өтті. Қазақстандық тараптан шараға ҚР Сыртқы істер министрінің орынбасары Ғалымжан Қойшыбаев қатысты, деп хабарлады ҚР СІМ.

Жиын аясында 2015 жылдың қыркүйегі мен желтоқсанында өткен ҰҚШҰ қауіпсіздік кеңесі сессиясындағы мәселелер талқыланды.

Кездесуге қатысушылар ҰҚШҰ ұжымдық қауіпсіздік стратегиясының жобасы бойынша жұмысты аяқтады. 2025 жылға дейінгі жұмыс бабы тәмамдалып, сыртқы саяси үйлестіру мәселелерін талқылап, ҰҚШҰ-ның халықаралық БҰҰ, ЕҚЫҰ, ЕО мен ШЫҰ ұйымдарымен ынтымақтастығы талқыланды.

Кездесу алдында, яғни 18 сәуір күні қазақстандық-армяндық ведомствоаралық консультациялар өтті. Армян делегациясын Арменияның Сыртқы істер министрінің орынбасары Шаварш Кочарян басқарды.

Кездесу барысында атарптар халықаралық күн тәртібіндегі мәселелер бойынша пікір алмасып, интеграциялық ұйымдардың еуразиялық кеңістіктегі өзара байланысын талқылады.

Сол күні Арменияның сыртқы істер министрі Эдвард Налбандянмен кездесу өтті, шара барысында екіжақты консультациялар мен қазақстандық-армян қарым-қатынасының дамуы талқыланды.

Барлық жаңалықтар