ЖПҚ жетекшілерінің құзыреті 2016 жылдың наурызынан бастап кеңейеді

«Біздің мемлекетіміздің іс жүзіндегі дарабасшылық пен бағыныстылық қағидалары, сонымен қатар жылдар бойы қалыптасқан құқық бұзушылықтардың алдын алудың көп сатылы жүйесін  сақтай отырып, оның өзіндік құрылым нысаны ескерілді», - деді И.Лепеха.

Оның айтуынша, сонымен бірге әкімнің құзыреті едәуір кеңейтілді. Енді ол ЖПҚ алдына қоғамдық тәртіпті сақтауды қамтамасыз ету бойынша міндеттер қоюға және олардың орындалуын талап етуге құқылы. Жергілікті полицияның негізгі міндеттері құқықтық тәртіпті және тұрақтылықты қамтамасыз етумен байланысты қоғамның неғұрлым өзекті қажеттіліктерін ескере отырып  қалыптастырылды.

«Атап айтқанда, құқықтық тәртіптің алдын алу, қоғамдық тәртіпті қорғау, жол қозғалысы қауіпсіздігін қамтамасыз ету, қылмыстық құқық бұзушылықтарды ескерту және жолын кесу, әкімшілік құқық бұзушылықтар істерін және қылмыстық теріс қылықтар бойынша хаттамалық нысанда сотқан дейінгі тергеу жүргізу», - деді ол.

Айта кетейік, жергілікті атқарушы органдар мен жергілікті қауымдастыққа есеп беретін жергілікті полиция қызметін құру - «Ұлттық жоспар – 100 нақты қадамның 30-қадамын іске асыруға бағытталған.