Ақтөбеде атаулы әлеуметтік көмекке 900 млн. теңгеден астам қаржы бөлінеді

20 Сәуір, 2016 19:07

Ақтөбеде биыл атаулы әлеуметтік көмекке 900 млн. теңгеден астам қаржы бөлінеді. Бұл қаржы өткен жылмен салыстырғанда 320 млн. теңгеге артық, деп хабарлады қалалық жұмыспен қамту және әлеуметтік бағдарламалар бөлімінің басшысы Нәйлә Бөртібаева «Ақтөбе ақпарат» орталығында өткен брифингте.

Оның айтуынша, қалалық мәслихат депутаттарының кезектен тыс екінші сессиясында «Ақтөбе қаласының жеке санаттағы азаматтарының қоғамдық көлікте тегін жүрулері туралы» күші жойылған мәслихаттың шешімін мойындау туралы шешім қабылданды.

«Қолданыстағы заңнамаға сәйкес, жеке санаттағы азаматтарға төлемдер бюджеттен қарастырылған. Тегін жол жүруден бастап атаулы көмек тек қана олардың шын мұқтаждарына ғана төленетін болып шешілді. Атаулы көмек қоғамдық көлікте жүру шығынын да қамтитын болады»,-деп атап өтті Н. Бөртібаева

Бөлім бастығының айтуынша, Ақтөбе қаласы мәслихатының шешіміне сәйкес, 2015-ші жылдың 25-ші желтоқсанынан бастап азаматтар санаты ҰОС, Ауған, черноболь, семейлік және тағы басқалармен теңесіп, 32 АЕК мөлшерінде бір реттік көмек алады.

Барлық жаңалықтар