СҚО-да 700 мың гектарға жуық жерді жекеменшікке беруге болады – әкім
«Жер Кодексіндегі жаңа түзетулер шаруалардың ауыл шаруашылық жерлерін жекешелендіріп алуларына мүмкіндік береді. Облыс бойынша жалпы алаңы 686,3 мың гектар болатын жерді жекеменшікке беруге болады»,-деді Е.Сұлтанов.
Оның айтуынша, аймақта сүт және сүт өнімдерін, ет өндірісін дамыту бойынша және экспортты ұлғайтуда үлкен жұмыстар атқарылуда.
«Бүгінгі таңда Солтүстік Қазақстан облысы 500 мың тонна сүт өндіреді. Бұл республикалық есепте 10 %-ды қамтиды деген сөз. Аймақта 120-дан астам сүт шаруашылықтары, 71 ауылдық тұтыну кооперативтері жұмыс істейді. Биыл Ақжар, Айыртау, Мамлют және М.Жұмабаев аудандарында 2 мың бастық 4 заманауи сүт кешендерінің құрылысын жүргізу жоспарлануда»,-деп атап өтті аймақ басшысы.
Облыс басшысы Е.Сұлтановтың атап өтуінше етті бағыттағы мал шаруашылығын дамыту мақсатында аймақта 6 мың басты бордақылауға арналған 2 бордақылау алаңының құрылысы жүріп жатыр.
