ШҚО Бесқарағай ауданына 3 айдың ішінде 103,8 млн. теңге инвестиция тартылды

20 Сәуір, 2016 15:19

ШҚО Бесқарағай ауданында 2016-шы жылдың бірінші тоқсанында инвестиция көлемінің негізгі капиталы 103,8 млн. теңгеге тең. Бұл өткен жылдың осы кезеңімен салыстырғанда 11,5%-ға артық, деп хабарлады аудан әкімі Нұржан Тоқсейітов ақпарат орталығында.

Оның айтуынша, «100 нақты қадам» Ұлт жоспарында белгіленген міндеттерді жүзеге асыру барысында ауданның алға жылжу векторы ретіндегі негізгі бағыттарының бірі осы.

«Біз бюджет қаржысын пайдаланудың тиімділігін арттыру, кәсіпкерлердің белсенділігін көтеруді қолдау, ішкі резервтерді іздестіру мен инвестиция тарту мақсатында нақты шараларды қолға алдық»,-деді аудан әкімі.

Осы жылдың бірінші тоқсанында инвестиция көлемінің негізгі капиталы 103,8 млн. теңгеге тең. . Бұл өткен жылдың осы кезеңімен салыстырғанда 11,5%-ға артық.

«ИИДМБ-н жүзеге асыру аясында кобальт-никелді өнім өндіретін зауыт салу бойынша инвестициялық жоба мақұлданды. Зауыт іске қосылған кезде 600 жаңа жұмыс орыны құрылады»,-деп хабарлады Н.Тоқсейітов.

Бүгінгі таңда аталмыш жобаны қаржыландыратын банк акционерлерімен алдын ала келісімдер жүргізіліп жатыр, деді ол.