Н.Назарбаев: Судьяларға қысым көрсету анықтау ісіне айналуы керек
«Судьяларға қысым көрсету шараларына түрлі жағдайлар сеп болатынын мойындаймын. Бұрында әлдебір бөлімнің жетекшісі немесе орынбасары кінәлі болса, онда бірінші жетекші де осы үшін жауап береді. Бізде осыған бірден жабыса кетті. Облыстық сотқа ауыз салу үшін аудандық сотқа барып килікті. Бұл дұрыс емес, әркім өзінше бағаланып, егер кінәсі болса өзі жауап беруі керек», - деді Н.Назарбаев.
Президенттің айтуынша, атқарушы билік тарапынан қысым көрсетілгеніндей бұқаралық ақпарат құралдары тарапынан судьяларға қысым көрсету шаралары мәселені қарауға себеп болуы керек.
Сонымен қатар, Елбасы еліміздегі судьялар корпусының кәсібилігін арттырудың маңызына назар аударды.
«Сөзсіз, жұрттың бәрі де қателеседі, алайда судьялар қателігі жалпы қоғам үшін де, жекелеген азаматтар үшін де өте қымбатқа түседі. Қазылар әділеттің, Заңның атынан жұмыс істейді. Осыған орай олардың жауапкершілігі орасан. Бұл тапсырманың орындалуы үшін бастысы судьялық білім беру жүйесінің жаңғыртылуы керек», - деді Мемлекет басшысы.
Естеріңізге сала кетейік, Астанада Қазақстан қазыларының VI съезі өтіп жатыр. Күн тәртібінде Мемлекет басшысының Қазылардың V съезінде берген тапсырмаларын орындау жұмыстарының қорытындысын шығару, сот өндірісіндегі маңызды тақырыптарды талқылау, Қазақстанның сот өндірісіндегі маңызды тақырыптарды талқылау, Қазақстанның әлемдегі дамыған 30 елге кіруінде сот жүйесінің рөлін анықтау.
Съезге Қазақстанның әр аймағынан 600 сот өкілдері қатысты. Шақырылғандар арасында Ресей, Молдовия, Украина, Қырғызстан, Грузия Жоғарғы сотының жетекшілері бар. Шалғай шетелді БАӘ, Сауд Арабиясы мен Германия таныстырды. Сондай-ақ, форумға ЕҚЫҰ, БҰҰ, ТМД Еуропалық кеңесінің өкілдері мен ЕуАзЭҰ соттары қатысуда.
