Ақтөбе облысында қылмыстық жемқорлық бойынша құқықбұзушылық саны 40 пайызға төмендеді (ФОТО)
20 Сәуір, 2016 13:04
Ақтөбе облысында қылмыстық жемқорлық бойынша құқықбұзушылық саны 40 пайызға төмендеді, деді Прокуратура басқармасының басшысы Маратбек Мырзамұратов облыс әкімі Бердібек Сапарбаевтың төрағалығымен өткен жемқорлыққа қарсы күрес бойынша комиссияның отырысында .
Кеңеске қатысушылар «Іскерлік ахуал» рейтингінің қорытындысын қарастырды. Оны ҚР Ұлттық экономика министрлігінің Экономикалық зерттеулер институты әзірлеген болатын. Зерттеу қорытындысына сәйкес, 2015 жылдың қорытындысы бойынша Ақтөбе облысы бизнес орта құру бойынша 2 орынды алып отыр, бұл орайда ол тек Астанаға ғана жол беріп отыр.
Бағалау 5 негізгі талап бойынша жүргізілді: әкімшілік реттеу, мемлекеттік қолдау, мүлік, азаматтық және қаржы ресурстары, деп хабарлады «Ақтөбе ақпарат» орталығы.
«Кәсіпкерлер сауалнама аясында жемқорлықтың деңгейіне баға бере алды. Бұл көрсеткіш бойынша ол 4 орында. Ақтөбелік респонденттер сыбайласқан деп тұтынушылардың құқын қорғау департаменті, салық қызметі, ТЖД таңдады», - делінген хабарламада.
