Ә.Исекешев: 2020 жылға дейін Қазақстанда бірегей пайдалы қазбалар табылуы мүмкін (ФОТО)
20 Сәуір, 2016 10:27
2020 жылға дейін Қазақстанда пайдалы қазбалардың бірегей кеніштері табылуы ықтимал. Бұл туралы бүгін Астанада МАЙНЕКС Орталық Азия тау-кен өнеркәсібі форумында ҚР Инвестициялар және даму министрі Әсет Исекешев мәлім етті.
«Кеше министрлікпен 101 нысан бойынша жаңа аукцион жарияланды және ол ағымдағы жылдың маусым айында болады. Бүгінгі таңда, қатты пайдалы қазбалар бойынша байланыс аймақтарының жалпы аумағы 137 мың шаршы шақырымды құрайды және Қазақстанның жер қойнауының байтақ аумағы мен ұлы әлеуеттерін ескере келе, 2020 жылға дейін ірі кең орындарды ашуға үлкен мүмкіндік бар»,-деді Ә.Исекешев.
Министрдің айтуы бойынша, «Қазгеология» ұлттық компаниясы салаға 10 ірі инвесторларды жұмылдырды.
Естерінізге сала кетейік, Астанада МАЙНЕКС Орталық Азия 7-ші кен өнеркәсібі форумы өтуде. Форумның басты тақырыбы – «Тиімді экономикалық дамуда тау-кен саласының келешегі мен әлеуеті».
Ботагөз Айтжанова
Суретке түсірген Азамат Әлиев
