2015-ші жылы бәссауда қорытындысы бойынша геологияға 1,5 млрд. теңгеден астам қаржы тартылған – ҚР ИДМ

20 Сәуір, 2016 10:02

Толық зерттелмеген жер қойнауы учаскелері, қосымша іздеу жұмыстарын қажет ететін жерлер бойынша 2015-ші жылдың желтоқсанында өткен бәссаудада қол қойылған бонус ретінде 36 лот бойынша бюджетке 1,5 млрд. теңгеден астам қаржы тартылды. Бұл туралы 7-ші МАЙНЕКС Орталық Азия тау-кен өндірісі форумында Инвестиция және даму министрі Әсет Исекешев айтты.

«Соңғы үш жылда жер қойнауын пайдаланушылар саласында көп дүние жасалды. Реформаның бірінші кезеңі аяқталды деп айтуға болады. Мысалы, геологиялық ақпаратты жеткізу мерзімі 240 күнен 1 күнге дейін қысқарды. Жер қойнауы туралы заңнаманың австралиялық модел негізінде барлау құқығы бөліміне өзгерістер енгізілді. Барлау келісім шартын бекіту мерзімі 2-жылдан 25 күнге дейін қысқартылды. Бұл шаралар тәжірибе көрсеткендей 50%-ға дейін жаңа кен орындарын ашу үшін орта және шағын кәсіпорындарды көптеп тартуға мүмкіндік береді, деп есептейміз. Қазақстанда пилоттық режимде Степногорск қаласының маңында 100 шақырым аумақ белгіленді және осы жылдың бірінші тоқсанында 25 блок бойынша 10 жаңа келісім шарт бекітілді»,-деді Ә.Исекешев.

Министрдің айтуынша, қазір Қазақстан ескі тәжірибеден кетіп, жер қойнауын пайдаланушыларды тартуда бәссауда түріндегі жаңа әдіске көшкен.

Ботагоз Айтжанова