ОҚО-да 2016 жылдың соңына дейін 40 білім беру нысаны іске қосылады
20 Сәуір, 2016 11:37
Биыл Оңтүстік Қазақстанда 131 нысанның құрылыс жұмыстары жүргізіліп жатыр. Оның ішінде 89-ы әлеуметтік нысан, 42-сі тұрғын үй және инфрақұрылым жүйелері, деп хабарлады облыс әкімдігі.
Құрылыс жұмыстарына Ұлттық қордан және республикалық, облыстық бюджеттен 44 млрд. 683 млн. теңге қаралды.
2016 жылдың соңына дейін 79 нысанды пайдалануға тапсыру жоспарланып отыр.
«Соның ішінде білім беру нысаны - 40, денсаулық сақтау - 1, мәдениет саласы - 8, спорт -2, ауыл шаруашылығы - 2, халыққа қызмет көрсету саласы бойынша - 1, әлеуметтік қамту - 1, тұрғын үйлер саны- 17, инфрақұрылым жүйелері - 6, моноқалаларды дамыту саласы бойынша – 1 нысанды ел игілігіне берілмек», - делінген хабарламада.
Ал қалған 52 нысанның құрылыс жұмыстары келесі 2017 жылға өтпелі.
