• Басты
  • З.Балиева балалар ұйымы өкілдерімен кездесті

З.Балиева балалар ұйымы өкілдерімен кездесті

19 Сәуір, 2016 20:26
Мәжілісте еліміздегі бала құқықтары жөніндегі уәкіл, Парламент Мәжілісінің депутаты Зағипа Балиева Астана қаласы және Ақмола облысының балалар қоғамдық бірлестіктерінің өкілдерімен кездесті.

Негізі мақсат-балалармен бетпе-бет жүздесіп, еркін сөйлесе отырып оларды толғандырған сұрақтар мен ұсыныстарды меңгеру, балалардың құқықтары мен мүдделерін жүзеге асыруда балалар қоғамдық бірлестіктерінің рөлін арттыру, уәкіл жұмысының нақты мақсат-міндеттерінен хабардар ету. З. Балиевамен болған жарқын жүздесуде балалар қоғам өміріне қатысты барлық мәселелер бойынша пікір алмасты. Мәселен, ата-ана мен баланың, оқушы мен ұстаздың, қоғам мен жеке тұлғаның қарым қатынасынан бастап, оқу-білім, тәрбие саласындағы мемлекеттік саясат, «Мәңгілік ел» жалпы ұлттық идеясына қатысты тұщымды әңгіме қозғалды. Өз кезегінде уәкіл:-біздің мақсатымыз дүниеге келген әрбір балаға шексіз құрметпен қарап, олардың құқықтарының кезең-кезеңмен тиісті деңгейде қорғалуын қамтамасыз ету. Азаматтық қоғаммен, ата-анамен, мектеппен үйлесімді қарым-қатынас орнатуға, өздерін көрсетуіне, өсуіне жағдай жасау,-деді. Кездесу иелері өзара ынтымақтастықты одан әрі дамыту мақсатында алдағы уақытта түрлі іс-шараларға бірлесе қатысып, жиі пікір алмасып тұруға уағдаласты. Ал, бүгінгідей кездесулер Бала құқықтары жөніндегі уәкіл жұмысында дәстүрлі түрде өтетін болады.

Барлық жаңалықтар