Ауыл шаруашлық жерлері оралмандар мен шетелдiктерге сатылмайды
19 Сәуір, 2016 15:54
Қазақстан жерi шетелдiктер мен оралмандарға сатылмайды. Бұл туралы Қазақстан Республикасы Ұлттық экономика министрлiгi Құрылыс, тұрғын үй-коммуналдық шаруашылық iстерi және жер ресурстарын басқару комитетi төрағасының орынбасары Бауыржан Смағұлов «Жер заңнамасынның нормаларын түсіндіру» тақырыбындағы брифингте мәлiмдедi.
«Жер» кодексiнiң 24-шi бабына сәйкес, шетелдiктер мен оралмандар жердi жеке меншiкке сатып ала алмайды. Жер, яғни ауыл шаруашылығы мақсатындағы жерлер оларға 25 жылға жалға берiледi«, - дедi Б.Смағұлов.
Оның айтуынша, қазiргi таңда 10, 15 және 49 жылға жалға берiлген жерлер олар одан әрi жалданатын болады. Дегенмен, жалға алушы сатқысы келсе, олар да жеңiлдiк бағамен сатыла алады.
Сондай-ақ, ол айтып өткендей, «Елбасының 5 институциялық реформаны жүзеге асыру мақсатында берген тапсырмалары негізінде Үкіметтің алғашқы қадамдарының бірі нарық айналымына ауыл шаруашылығы жерлерін енгізу. Аукцион арқылы механизмдерді енгізіп, эер учаскесінің мақсатты қолданылымын жеңілдету көзделіп отыр», - еді ол.
Ботагөз Айтжанова
