Қ.Жаңбыршин: 20 жылда ҚР Есеп комитеті 316 млрд. теңге бюджет қаржысын қалпына келтірді

19 Сәуір, 2016 16:09

Есеп комитеті 20 жылдағы республикалық бюджеттің орындалуына бақылау жасаған жұмысында 734 бақылау шарасын жүргізді, 6 мың нысанды тексерді. Соның арқасында 4 трлн. теңгенің қаржылық заң бұзушылықтың бетін ашты, деп хабарлады салтанатты жиналыс кезінде Есеп комитетінің төрағасы Қозы-Көрпеш Жаңбыршин.

Астанада республикалық бюджеттің орындалуына бақылау жасайтын Есеп комитетінің құрылғанына 20 жыл тллуына орай салтанатты жиналыс өтіп жатыр. Жиынға Парламен Сенаты мен Мәжілісінің өкілдері, Үкімет басшысының кеңсесі, Қаржы министрлігі, Есеп комитетінің ардагерлері мен ревизиялық комиссия өкілдері қатысуда.

«Өткен 20 жылда ұлт Көшбасшысының үнемі қолдауы мен назар аударуының арқасында үлкен ұйымдық, сараптамалық, бақылау жұмыстары, отандық жүйеде мемлекеттік аудит пен қаржылық бақылау, бюджет қаражатын тиімді пайдалану тәртібі бойынша көптеген жұмыстар атқарылды. Жалпы өткен жылдарда Есеп комитеті 734 бақылау шараларын, 6064 нысанға тексеру жұмыстарын жүргізген. Бақылауда қамтылған бюджет қаражаты мен мемлекеттік активтер 26 трлн. теңгені құрайды. 4 трлн. теңгенің қаржылық заң бұзушылығының беті ашылған. Бюджетке 316 млрд. теңге қайтарылды»,-деді Қозы-Көрпеш Жаңбыршин.

Сонымен қатар, Есеп комитетінің басшысы осы кезеңдерде комитетті қамтуға 9 млрд. теңгеден сәл ғана асатын қаржы жұмсалғанын атап өтті.