Қазақстандық стартаперлердің жобалары Франкфурт пен Сингапурде кеңселерін ашады
19 Сәуір, 2016 14:32
Қазақстанда 1 сәуірде жұмыстарын бастаған Nurmash қосымшасы Франкфурт пен Сингапурде кеңселерін ашады, деді Nurmash-CIS компаниясы бас директорының орынбасары Данияр Разбекұлы ҚР Президенті жанындағы ОКҚ-де өткен брифингте.
«Nurmash бас кеңсесі Калифорнияда орналасқан, жұмыс істейтін екінші кеңсе Қазақстандағы «Nurmash-CIS» ЖШС, ол ҚР мен ТМД елдерінде өнімнің насихатталуына жауап береді. Жақын арада өңірлік кеңселердің ашылуын Франкфурт пен Сингапурде жоспарлап отырмыз», - деді Д.Разбекұлы.
Оның айтуынша, қазіргі таңда Nurmash өкілдері 15 компаниямен келіссөз өткізуде. Оның бесеуі ірі трансұлттық холдингтер болып есептеледі.
Айта кетейік, Қазақстанда бірегей жарнамалық жоба іске қосылды. Оның аясында жарнама берушілер байқау негізінде өз өнімдері жайлы пікір таратқан тұтынушыларға ақша үлестіреді.
