Тұңғыш Президент Күніне орай Павлодар дүкендерінде 50% жеңілдіктер болады
20 Қараша, 2013 15:19
Павлодардың әмбебап дүкендері мен сауда орындарында Тұңғыш Президент Күніне орай азық-түлік өнімдері мен тауарларды 50% жеңілдікпен алуға болады, деп хабарлайды «BNews.kz» агенттігі Павлодар облыстық кәсіпкерлік және сауда Басқармасының сауда саясаты бөлімі бастығының міндетін атқарушы Мәдина Қасымовқа сілтеме жасай отырып.
«Павлодардың бірнеше әмбебап дүкендері мен ірі сауда орындары 1 желтоқсан қарсаңында барлық тауарларға 5-50% аралығында жеңілдік жасау туралы ұсынысымызды қолдай кетті», - дейді М.Қасымова.
Макарон өнімдеріне, қант секілді 80 түрлі тұтыну тауарларының бағасы арзандатылады. Сонымен қатар, мереке қарсаңында павлодарлықтар мен қала қонақтары киім-кешек пен тұрмыстық техниканы да арзан бағамен сатып алуға мүмкіндік алады.
Бөлім бастығының мәліметінше, мерекелік жеңілдіктер 1 желтоқсанға дейін жалғаспақ.
