Қытай инвесторлары ШҚО-да 5,4 млрд. теңгеге а/ш өнімдерін өңдейтін зауыт салады

19 Сәуір, 2016 18:54

Агроөнеркәсіп секторын дамыту мақсатында ҚХР-ң халықаралық сауда компаниясымен бірлесіп ауыл шаруашылық өнімдерін өңдейтін зауыт салу жобасы арқылы 5,4 млрд. теңге инвестиция келеді және 730 жаңа жұмыс орыны ашылады. Бұл туралы ШҚО аймақтық коммуникация қызметінде өткен баспасөз конференциясында Бесқарағай ауданының әкімі Нұржан Тоқсейітов хабарлады.

Оның айтуынша, ТОО «LONG XIN» компаниясы мен Бесқарағай ауданы әкімдігінің арасындағы ынтымақтастық туралы меморандум Өскемен қаласында өткен «Алтай АгроИнвест» инвестициялық форумында бекітілді.

Ауыл шаруашылық өнімдерін өңдейтін ауқымды жоба 5 жылдың ішінде жүзеге асыралады, деп жоспарланып отыр. Бұл жобаны жүзеге асыру үшін соя, асбұршақ, фасоль, күнбағыс, асқабақ және қарбыз егуге 14 754 гектар жер бөлінген.

«Экономикалық жағдай, халықтың тұрмыс деңгейі, ауданымыздың азық-түлік қауіпсіздігі аграрлық сектордың тұрақты жұмыс істеуіне айтарлықтай байланысты. Бүгінгі таңда компания көктемгі егіс жұмыстарына кірісіп кетті. Инвесторлар қолданатын техникалар «СемАз» ЖШС-нен салылып алынды.Сондай-ақ, кәсіпорынға 20 тонна гербицид, 200 тонна дизельдік отын, 100 тоннаға жуық тұқым алынды»,-деп атап өтті аудан әкімі.

Барлық жаңалықтар