2017 жылғы қысқы Универсиада дирекциясы "Класстер Монтальмен" ынтымақтастыққа отырды
Алматы қаласының делегациясының құрамында - Алматы қаласы әкімі орынбасары Арман Қырықбаев, 2017 жылғы қысқы Универсиада дирекциясының басшысы Әсет Абдуалиев, "Chimbulak Deveiopment" ЖШС директоры Ержан Еркінбаев болды.
Алматы қаласының делегациясы Овернь - Рона - Альпі аймағының вице-президенті Филипп Меньемен кездесті. Екі жақ жарыс уақытында қауіпсіздікті сақтау саласы бойынша тәжірибе алмасуға келісті. Бәріміз білетіндей, биылғы жылы осы аймақтағы Лион қаласында 2016 жылғы футболдан Еуропа Чемпионаты өтеді.
"2017 жылғы қысқы Универсиада уақытында тау трассасын дайындауға және спорттық жарыс уақытында қауіпсіздікті сақтау жөнінде тәжірибемізбен бөлісуге әрдайым дайынбыз", - деді Қазақстанның Лион қаласындағы құрметті елшісі Эрве Броннер.
Одан бөлек, Лион қаласының префектурасының өкілдерімен және француз компания өкілдерімен кездесу өтті. Олардың ішінде қар жауғызу қызметін ұсынатын, халықаралық спорт стадиондары мен олимпиадалық нысандардың дамуына жауап беретін "ABest Engineering"компаниясы, PGL Managment - тау-шаңғы кешендеріндегі бизнес-үрдістерін жүргізетін компаниялары бар.
Тәжірибе жинау мақсатында Алматы делегациясы, Преманон, Бревен, Лион және Шамони тау-шаңғы курорттарына барып қайтты. Одан басқа, қысқы Универсиада дирекциясы "Кластер Монталь" компаниясымен келісімшартқа отырды.
"Кластер Монталь" ассоциациясы таулы аймақтардың жоспарлануына экспертиза жасайтын және шет елдерде тау-шаңғы курорттарының құрылысында француздық үлгіні енгізуші Франциядағы ірі компаниялардың бірі.
"Алматы қаласының тау-шаңғы спортының инфрақұрылысын жақстартқысы келетіндігі қуантады. Өткен жылы мен "Серебрянный Эдельвейс" атты "Шымбұлаққа" ұқсас куроротында болдым. Менде тек жақсы естеліктер қалды. "Алатау" кешені де Азияда кездестірген ең керемет кешендердің бірі. Осы бағытта жұмысты жалғастыру үшін сіздерде барлығы бар. Біз Қазақстандағы тау-шаңғы спортының дамитындығына сенімдіміз. Қысқы Универсиада ең жоғары дәрежеде өтеді деген сенімдеміз және ол үшін барымызды салып көмектесеміз", - деді "Кластер Монталь" директоры Бенуа Робэр.
2017 жылғы қысқы Универсиада дирекциясының директоры Әсет Абдуалиев "Кластер Монтальмен" жұмыс жасау, Алматы қаласының тау-шаңғы спортының потенциалын анықтауға және алдағы уақытта осы бағытта даму үшін ыңғайлы аймақтарды білуге септігін ттигізеді дейді. Одан бөлек, іс-сапар уақытында ең ірі қармен қамтамасыз ету компанияларымен байланыс жақсартылғандығын жеткізді.
