Қазақстанда 1000-нан астам локомотив жазғы жұмыс режиміне дайындалуда

1000-нан астам қазақстандық локомотивтер жазғы жұмыс режиміне ауысуда.

Қазіргі уақытта көктемгі комиссиялық тексеріс электровоздар мен тепловоздардың жазғы тасымалдауға дайындықтарын жіті тексеруде.

«Техникалық және өртке қарсы жай-күйі бағаланып, қажетті құрал-саймандардың болуы тесерілуде. Қыстан кейін барлық тораптардың, механизмдер мен жүйелердің және аспаптардың беріктігін, жарамдылығын, жұмысқа қабілеттілігі мен қауіпсіздігін жіті бақылап отырмыз. Толық және жартылай бояу жұмыстары жүргізіліп, салқындату жүйелері қалыпқа келтірілуде, майлары ауыстырылуда. Парктің 70%-ы комиссиялық тексеруден өтті», - деді «Локомотив» АҚ президенті Марат Шәкенов.

Жылжымалы құрамды әр локомотив депосында құрылған комиссия тексереді. Комиссия төрағасы болып локомотив деполарының директорлары мен айналым деполарының орынбасарлары тағайындалады. Олардың міндеттері – анықталған ақауларды жою жұмысын ұйымдастыру. Тексеріс нәтижесі актте көрсетіледі.

Электровоздар мен тепловоздардың сапалы техникалық  дайындығы желіде толассыз жұмыс жасауға, қауіпсіз қозғалысты қамтамасыз етуге жол ашады.

Көктемгі комиссиялық тексеріс ағымдағы жылдың 31 мамырына дейін жалғасады.