Астанада биыл 25 мың раушан гүлі отырғызылады

«Гүлзарларға өтырғызу үшін бізде 7,7 млн біржылдық гүл көшеттері өсірілуде. Сонымен қатар, қала гүлзарларына көпжылдық гүлдер де отырғызылады. Бұлар шамамен 45 мың дана болады. Олардың қатарында қалампыр, астық тұқымдас, мыңжылдықтар бар. Биыл раушан гүлінің 5-6 түрінен 25 мың данасын отырғызуды жоспараудамыз»,-деп хабарлады Ә.Әбілдинов.

Оның айтуынша, «Астана зеленстрой» АҚ-н басқарушылар Астана қаласысының әкімдіктері болып табылады. Қала бойынша гүлзарлардың жалпы ауданы 162 мың шаршы метрді құрайды. Олардың 15 мыңына біржылдық гүлдер егіледі. Бір гүлдің бағасы оны күту жұмыстарына, тұқымын сатып алу, жылыжай кешендеріне отырғызуға байланысты болады.

Ал, ағаштарға келер болсақ, «Астана зеленстрой» АҚ басшысының атап өтуінше, арнайы кәсіпорын бар: екі тәлімбақ бар. Оның біреуі 349 гектар, екіншісі – 30 гектар. Олардың аумағында 600 мыңнан астам бұталы тұқымды ағаштар өсірілуде. Бүгінгі таңда өнімнің  90 %-ы өз өнімдеріміз, өз тәлімбақтарымыздан алынған.