«ҚазАгро» инвестициялық жобаларын іске асыру барысында 12 мыңнан астам жұмыс орны ашылады

20 Қараша, 2013 15:12

«ҚазАгро» Ұлттық Холдингі тарапынан инвестицияланған жаңа өнеркәсіптерді іске қосу мен құру барысында жаңадан 12 мың жұмыс орны ашылады, деп хабарлайды Ұлттық Холдингтің баспасөз қызметі.

«Холдинг сарапшыларының мәлімдеуінше жаңа өндіріс орындарының құрылысы мен жүзеге асырылуы 12 мың жұмыс орындарын қамтамасыз етті. Бүгінгі күні "ҚазАгро" Ұлттық Холдингі инвестициялық портфелінде 228,1 млрд.теңгені құрайтын 320 инвестициялық жоба бар», - делінген хабарламада.

Ұлттық Холдинг инвестициялық қызметінің басты бағыттарының қатарында құс фабрикасын, сүт-тауар фермасы, көкөніс сақтау қоймасын, жылыжай мен бордақылау қорасын салу жоспарланған.

Жалпы, құс фабрикасына бару кезінде кезінде "ҚазАгро" Ұлттық Холдингі компаниялар тобымен ауыл шаруашылық саласы субъектілерін қолдауға 2013 жылы 183 млрд.теңге бөлініп, оның бүгінгі күні 153 млрд.теңгесі меңгерілгендігі, сондай ақ, Алматы мен Алматы облысына 12 млрд.теңге бағытталғандығы атап өтілді.

Естеріңізге сала кетейік, «ҚазАгро» Ұлттық басқару холдинг» АҚ өзінің құрамына кіретін компаниялардың инвестициялық активтерін тиімді басқаруды қамтамасыз ету арқылы Қазақстанның агроөнеркәсіптік кешенін дамыту бойынша мемлекеттік саясатты жүзеге асырады.

Холдингтің құрамына «Азық-түлік келісімшарт корпорациясы» Ұлттық компаниясы» АҚ, «ҚазАгроӨнім» АҚ, «ҚазАгроФинанс» АҚ, «Аграрлы несие корпорациясы» АҚ, «Ауылшаруашылығын қаржылай қолдау қоры» АҚ, «ҚазАгроГрант» АҚ мен «ҚазАгроМаркетинг» АҚ енеді.

Барлық жаңалықтар