Туризм кластерін дамыту саланың бәсекеге қабілеттілігін арттыруды қамтамасыз етеді – сарапшы

«Бес институционалды реформаны жүзеге асыру бойынша «100 нақты қадам» Ұлт жоспары аясында ҚР туристік индустриясын дамытуға көмектесетін бірнеше жоба қарастырылған. 57-ші қадамға сәйкес, туристік кластер құруда мол тәжірибесі бар стратегиялық инвесторларды тарту көзделуде.  Қазақстан жүктелген міндет пен ішкі әлеуетінің арқасында туристік нарықта өз орынын алуға қауқарлы»,-деді М.Кәрімова.

Оның айтуынша, туристік кластерде шоғырланған кәсіпорындар мен ұйымдар, өңдеумен, өндіріспен айналысатын және туристік өнімді сататын, сондай-ақ,  қосалқы қызметтер қатар жүретін болады.

«Қазақстанда бес туристік кластерді құру мен дамыту көзделген: Астана, Алматы, Шығыс Қазақстан, Оңтүстік Қазақстан және Батыс Қазақстан. Астана - туризмнің іскерлік орталығы ретінде, Алматы - іскерлік орталық және халықаралық тау шаңғы туризмі, Шығыс Қазақстан – экологиялық туризмді дамыту орталығы, Оңтүстік Қазақстанды мәдени турзм орталығы етіп жасау көзделген, Батыс Қазақстан – мәдени және жағажай туризм орталығы болады. Аталмыш кластерлерді жүзеге асыру үшін ұлттық жоба қарастырылған. Мысалы, Маңғыстауда «Кендірлі» курорттық аймағын құру жоспарлануда. Ұлт жоспарының 57-ші қадамына сәйкес, бұл жобаны іске асыру ұшін шетелдік инвесторлар тартылуда»,-деді М.Кәрімова.