Үлбі металлургиялық зауытында 100 тонна аз байытылған уран болады – Е.Батырбеков

«Қазақстан территориясында аз байытылған уран банкін орналастыру Мемлекет басшысының бейбітсүйгіш саясатына, біздің халқымызға, барлық жерде бейбітшілікті сақтау тұрғысынан алғанда логикаға сыйымды және ешқандай кереғарлыққа жатпайды. Қазақстан территориясында аз байытылған уран банкін орналастыруда Қазақстан сөзсіз жалпы ядролық энергетика жүйесінде маңызды ойыншы бола алады. Маған осының қаншалықты қауіпті екені туралы сұрақты жиі қояды. Егер қауіптілік деңгейін салыстыратын болсақ, уран өндіретін кәсіпорындардың қоймасындағы өндіріп жатқан уранның қауіптілігінен еш айырмасы жоқ. Айырмашылығы сол, біз жылына 20 мың тонна уранды үстемелеп отырамыз. Үлбі металлургиялық зауытында бар-жоғы 100 тонна ғана аз байытылған уран болады»,-деп хабарлады Е.Батырбеков журналстке берген жауабында.

Оның айтуынша, аз байытылған уранды қатысушы елдерге бөліп беруде банк бірегей механизм болып есептеледі.