Гаагада қазақстандық-нидерландық қарым-қатынастың перспективалары талқыланды
Кездесу барысында Х.Камп «Нұрлы жол», Ұлт жоспары «100 нақты қадам» стратегиялық бағдарламаларына голландық тараптың қатсу дайындығы мәселелерін қарап жатқандарын атап өтті.
«Тараптар Үкіметаралық комиссия құру арқылы жаңа форматта көпжоспарлы ынтымақтастықты тереңдету мәселелерін талқылады. Сонымен қатар, Қазақстан Республикасы мен Еуропалық Одақ ынтымақтастығы серіктестігінің жаңа келісімі негізінде екіжақты ынтымақтастықтың жағдайы мен перспективалары туралы пікір алмасты»,-делінген хабарламада.
Голландиялық саясаткер «ЭКСПО-2017» көрсмесінің «Болашақтың энергиясы» тақырыбы Нидерландықтар үшін өте қызық екенін және келесі жылы аталмыш көрмеге қатысуға дайындықтар жүріп жатқанын айтты.
Өткен жылы Нидерланд «ЭКСПО-2017» көрмесіне қатысатынындарын ресми түрде растаған болатын. Сонымен қатар олар Батыс Еуропаның ең бірінші елі болып Ұлттық комиссияны тағайындаған еді.
