Қазақстандық «жасыл экономиканы» қолдау коалициясы ауылдарда әйелдердің кәсіпкерлігін белсенді дамытуда

16 Сәуір, 2016 11:34

Ауылды жерлерде кәсібін ашамын деуші әйелдерге 1 млн. теңгеге дейінгі грант бөлініп отыр. Бұны ұйымдастырушылар Coca-Cola компаниясы, «Жасыл экономиканы қолдау және G-Global-ды дамыту Коалициясы» ЗТБ және «Социальная динамика» қоғамдық қоры. «Coca-Cola Белестері» әлеуметтік жобасы «жасыл технологиямен» бірлесіп Қазақстанда осымен төртінші рет осындай шараны жүзеге асырып отыр, деді Strategy2050.kz ақпарат агенттігіне сұхбат берген «жасыл экономиканы» қолдау және G-Global-ды дамыту ОЮЛ Басқармасының төрағасы Салтанат Рахымбекова.

«Coca-Cola Белестері әлеуметтік жобасы Қазақстанда биыл төртінші жыл жүзеге асырылуда. Біз бұл жобаның серіктесіміз және бұл әлемдік үлкен бастамаға қазақстандық үлесімізді қосамыз. Жалпы, бұл Coca-Cola компаниясының бастамасы. Осы арқылы 2020-шы жылға дейін барлық әлем бойынша 5 млн. әйелді бизнеске тартпақ. Қазақстанда біз аталмыш бастамаға «жасыл экономика» және «жасыл технология» компоненттерін қосуды ұйғардық»,-деп мәлім етті ол.

С.Рахымбекованың айтуынша, ауылдағы жұмыссыз әйелдер бау-бақшаны қолға алып, органикалық өсімдік өнімдерін өндірулеріне болады және шағын жылыжайлар ұйымдастырса да болар еді.

«Біз мұнда қандай жылыжайлар немесе қандай көшетханалар құруды және оған қандай технологияны қолдану керектігін, суды қалай үнемдеуге болатынын, тамшылатып суару технологиясын, тыңайтқышты қалай кәдеге жаратуды және тағы осы сияқты барлық технологиялар жөнінде кеңес береміз. Қазір бүкіл әлем органикалық өнім тұтынғысы кееледі. Ал, қазақстандықтар бұл тұрғыда өз экспорттық әлеуетімен бәсекеге қабілеттілік жағынан басымдыққа ие»,-деп түсіндірді С.Рахымбекова.

С.Рахымбекованың айтуынша, биыл әйелдердің оқудан өтіп, грант есебіндегі 1 миллион теңгеге дейінгі қаржыны иемденіп, өздерінің бизнестерін ұйымдастыруларына басымдық берілетін болады.

Индира Кауметова

Барлық жаңалықтар