Астанада лингвист ғалымдар тілді жедел үйренудің заманауи технологиясын талқылап жатыр
20 Қараша, 2013 12:31
Астанада «Тілдерді жедел оқыту мақсатында заманауи технологиялар мен инновациялық жолдарды қолдану» атты халықаралық ғылыми-практикалық конференция өтуде, деп хабарлайды ҚР Ақпарат және мәдениет министрлігінің баспасөз қызметі.
«Конференция мақсаты – тілдерді үйрену шеңберінде алғышартты халықаралық пен отандық ғылыми-педагогикалық тәжірибелерді кеңейту, интерактивті технологияларды қолдану арқылы тілдерді жеделдете үйретудің тиімді және заманауи әдістемелерін қолдану, заманауи ақпараттық технологиялардың оқыту мүмкіндіктерін анықтау», - делінген хабарламада.
Конференция жұмысына қазақстандық және алыс, жақын шетелдерден ғалым-оқытушылар, сала мамандары, әдіскер-ғалымдар, жергілікті атқарушы органдардың өкілдері, қазақ тілінде іс жүргізетін мамандар, үкіметтік емес ұйымдар қатысатын болады.
