Ж-М.Камбасерес: Бейбітшілік пен келісім мәселесі Францияда да өзекті (ВИДЕО)

15 Сәуір, 2016 11:09

Бейбітшілік пен келісім мәселесі тек Қазақстанда ғана өзекті болып қоймай, өзектілікті Францияда да тапты, деп журналистерге берген сұхбатында Еуропалық және шетелдік экономикалық мәселелер, қоғам және қоршаған орта Одағының секция өкілі (Франция) Жан-Мари Камбасерес айтты.

Мен Қазақстанның Тәуелсіздігінің 25 жылдығын атап өткелі жатқанын білемін. Франция Қазақстанның Тәуелсізгін құптаған бірінші ел болды. Мен сіздердің елдерінізде жиі болып тұрамын. Осы жолы мен мәдениет мәселесі бойынша келдім. Бұған дейін сіздерде жұмыс жасап жатқан француз компаниясына қолдау көрсету мақсатында экономикалық мәселе бойынша келдім. Кездесу аясында ҚХА-мен ынтымақтастық жасауға келістік, өйткені бейбітшілік пен келісім мәселесі Қазақстанда ғана өзекті болмай, Францияда да өзекті»,-деді Ж- М.Камбасерес.

Естерінізге сала кетейік, 14 сәуір Ұлттық академиялық кітапханада төраға орынбасары - ҚХА хатшылық меңгерушісі Ералы Түгжанов пен еуропалық және шетелдік экономикалық мәселелер, қоғам және қоршаған орта Одағының секция өкілі (Франция) Жан-Мари Камбасереспен кездесу өтті.

Ж-М. Камбасерес елде тұратын барлық этникалық топтар үшін тең құқықтар мен мүмкіндіктерді қамтамасыз еткен Қазақстанның оң тәжірибесін атап өтті, сонымен қатар Франция Қазақстанның бейбітшілік пен келісім саясатының тәжірибесін жоғары бағалайды.

Ботагөз Айтжанова

Видео: Азамат Алиев

Барлық жаңалықтар