Қазақстан мен Чехия арасындағы парламентаралық ынтымақтастықтың дамуы Прагада талқыланды

15 Сәуір, 2016 10:54

Қазақстанның Прагадағы Елшісі Сержан Әбдікәрімовтің Чехия Парламенті депутаттар Палатасының төрағасы Ян Гамачекпен екіжақты кездесуі өтті, деп хабарлады Сыртқы істер министрлігінің баспасөз қызметі.

Кездесу барысында парламентаралық ынтымақтастықтың және жалпы екіжақты қарым-қатынастардың одан әрі даму мәселелері талқыланды.

Чех парламенті төменгі палатасының басшысы Қазақстанды ү.ж. наурызда елімізде өткен парламент сайлауымен құттықтай отырып, ҚР Парламенті Мәжілісінің жаңа басшысын қолайлы уақытта Прагаға сапармен келуге шақырды. Сонымен бірге, Я. Гамачек өзінің орташа мерзімді келешекте Қазақстанға сапармен баруға дайындығын растады.

С. Әбдікәрімов өз сұхбаттасын «Нұрлы жол» бағдарламасы және «Бес институционалдық реформаларды жүзеге асыру бойынша 100 нақты қадам» Ұлт жоспары негізінде Қазақстанның жалғасып келе жатқан өзгерістері мен жаңғыртулары жөнінде жан-жақты хабардар етті. Дипломат чех тарапын келесі жылы Астанада жоспарланған «ЭКСПО-2017» халықаралық мамандандырылған көрмеге белсенді қатысуға және 2017-2018 жж. БҰҰ Қауіпсіздік Кеңесінің тұрақты емес мүшесі орнына Қазақстанның өтінімін қолдауға шақырды.

Барлық жаңалықтар