ИИДМБ: ОҚО-да битум және асфальт шығаратын зауыт ашылмақ (ФОТО)

14 Сәуір, 2016 20:03

Оңтүстік Қазақстан облысында шағын және орта бизнес жоғары қарқынмен дамып келеді. Кәсіпкерлерге мемлекет тарапынан жасалып жатқан қолдаулар өз деңгейінде жүруде, деп хабарлады ОҚО әкімінің баспасөз қызметі.

Мәселен, жергілікті кәсіпкер Жалшыбек Шүменов өңірдегі кәсіпкерлерге қызмет көрсету орталығының көмегімен бизнес-жоспарын әзірлеп, қолдануға дайын асфальт шығаруға бағытталған зауыт салуда.

“Жаңа жобаның жүзеге асуы отандық өндірістің дамуына, жаңа жұмыс орындарының ашылуына және дағдарыс кезінде еліміздің экономикалық тұрақтылықта болуына септігін тигізеді”, - делінген хабарламада.

Бүгінгі таңда Шымкент қаласының «Оңтүстік» индустриалды аймағында асфальт шығаратын жаңа зауыттың құрылысы жүруде. Зауыт 2016 жылға өндірістік жоспары бойынша ірі түйірлі асфальттан 7 мың тонна, майда түйірлі асфальттан 22 мың тонна, жалпы алған жылына 30 мың тонна асфальт шығаруды көздеп отыр. Болашақта 21 адамды жұмыспен қамтуды жоспарлап қойған өндіріс орны мемлекеттік акт алғаннан соң толықтай іске қосылатын болады.

Барлық жаңалықтар