• Басты
  • Орталықтандырылған жылумен қамтуды жаңарту проблемалары мен мүмкіндіктері Астанада өткен семинарда талқыланды
14 Сәуір, 2016 16:43

Орталықтандырылған жылумен қамтуды жаңарту проблемалары мен мүмкіндіктері Астанада өткен семинарда талқыланды

Халықаралық сарапшылар, министрліктердің, облыс әкімдіктерінің, жеке компаниялар мен ұйымдардың өкілдері Қазақстан Республикасының Ұлттық экономика министрлігі және Азия Даму банкі (АДБ) ұйымдастырған семинар барысында орталықтандырылған жылумен қамту жүйесін кешенді дамытудың маңызды проблемаларын, сондай-ақ оларды шешудің ықтимал жолдарын талқылады, деп хабарлады ҚР Ұлттық экономика министрлігінің баспасөз қызметі.
Орталықтандырылған жылумен қамтуды жаңарту проблемалары мен мүмкіндіктері Астанада өткен семинарда талқыланды

Семинарда жылумен қамту жобаларын іске асырудың өңірлік тәжірибесі, халықаралық практикадан табысты мысалдар қаралды. Жылу энергетикасына жеке инвестицияларды тартуға ғана емес, сонымен қатар инфрақұрылымның кешенді жаңаруын өткізуге, сондай-ақ стратегиялық тапсырмаларды шешуге көшуге мүмкіндік беретін секторды реформалау мәселелері талқыланды.

ҚР Ұлттық экономика вице-министрі Қайырбек Өскенбаев атап өткеніндей, мемлекет ТКШ (тұрғын үй коммуналдық шаруашылығы) салаларына аса назар аударуда, саланы жаңартуға бағытталған бағдарламаны іске асыруға айтарлықтай мол қаражат бөлінуде.

«Нұрлы жол» бағдарламасы шеңберінде 2015-2016 жылдарға жылумен қамту желілерінің шамамен 185,5 км. салу және қайта қалпына келтіру жоспарланған, бүгінгі күні 2016 жылғы 1 сәуірдегі жай-күй бойынша 143,8 км. желі салынған және қайта қалпына келтірілген.

Сонымен қатар, халықаралық қаржы ұйымының (ХҚҰ) заемдық қаражатын барынша тарту көзделген. ХҚҰ-мен бірлескен жобаларды іске асыру экономика салаларын жаңартудың қарқынын жылдамдатуға, олардың инвестициялық тартымдылығын арттыруға және экономикадағы қажетті құрылымдық реформаны өткізуге мүмкіндік береді.

«Бағалауға сәйкес, секторға айтарлықтай инвестициялар талап етіледі, сондай-ақ осындай жобаларды қаржыландырудың инновациялық тетіктері қажет. Үкіметпен және басқа да институттармен бірлесе отырып, АДБ шешімдер іздестірумен және елде үздіксіз, қол жетімді және энергиясы тиімді жылумен қамтуды қамтамасыз етудегі орын алған кедергілерді жоюмен жұмыс жасауда», - деп көрсетті АДБ Энергетика департаментінің директоры Клео Кававаки.

Басты кеңсесі Манила қаласында орналасқан АДБ миссиясы – тегіс қамти алатын экономикалық және экологиялық тұрақты өсу және өңірлік ықпалдасу арқылы Азия-Тынық мұхиті өңірінде кедейшілікті қысқарту. Банк 1966 жылы құрылған, 67 ел оның акционерлері болып табылады, оның ішінде 48-і осы өңірден. 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды