Қазақстан мен ЕО Жібек Жолы елдері арқылы өтетін транзиттің кеңеюін талқылады
Еуропалық одақпен әріптестік Қазақстан Республикасының сыртқы саясатындағы басым бағыттарының бірі болып табылады.
2015 жылы Қазақстанның ЕО-пен ауыл шаруашылығы өнімдерімен азық-түлікті қайта өңдеу бойынша сыртқы тауар айналымы 635,9 млн. АҚШ долларын құрады. Қазақстан 2015 жылы ЕО-қа 92 мың тонна астық, 247,7 мың тонна зығыр, 15,9 мың тонна мақта талшығы мен 5,9 мың тонна балық филесін экспорттады.
Қазіргі таңда Қазақстанда италияндық, германдық және венгриялық ірі компаниялар өз қызметтерін белсене жандандыру үстінде.
2012 жылдан бастап Қазақстанда ЕЭК БҰҰ және ЭДЫҰ қаржылық қолдауымен жеке сектор, азаматтық қоғам мен мемлекеттік органдардың қатысумен су ресурстарын интеграциялауын басқару, өңдеу және іске асыру тұғырнамасымен су саясаты бойынша Ұлттық диалог жүзеге асырылып келеді.
Осы жылдан бастап су ресурстарын басқару саясатына үлес қосу аясында ЕО-ның «Қазақстанның жасыл экономикаға көшуін қолдау» бойынша бірінші жобасы жүзеге асырылып жатыр. Аталған бағдарламаны қаржыландыру ЕО жалпы бюджетінен жүзеге асырылады. Жоба аясында трансұлттық су ресурстарын басқару, су және денсаулық мәселелері жөнінде Протоколын енгізуге қолдау көрсету және өзендік бассейіндерін басқару үшін институционалдық негізді жақсарту жұмыстары жүргізілуде.
