Н.Ермекбаев ШЫҰ мүше мемлекеттерінің қауіпсіздік Кеңесі хатшыларының кездесуіне қатысты

Кездесу барысында ШЫҰ кеңістігінде қаупсіздік жағдайы жөнінде пікір алмасты. Онда лаңкестік, сепаратизм мен экстремизм, заңсыз қару мен есірткі айналымы, трансшекаралық қылмыс ұйымдарымен күрес механизмінде өзара әрекет ету жайы талқыланды.

Қазақстан делегациясының басшысы аталмыш бағыттар бойынша ШЫҰ аясында біздің елдің қабылдап жатқан шаралары туралы қатысушыларды ақпараттандырды. Сонымен қатар, Шаңхай ынтымақтастық ұйымына мүше мемлекеттермен екі жақты ынтымақтастық туралы да атап өтті.

Делегациялардың басшысы Өзбекстан Республикасының Президенті И.Каримов болды.

Сонымен қатар, Ташкентте Н.Ермекбаев ӨР Президенті жанындағы Қауіпсіздік Кеңесінің Хатшысы В.Махмудовпен, ҚХР Мемлекеттік кеңес мүшесі – Қытайдың қоғамдық қауіпсіздік министрі Го Шэнкунмен келіссөздер өткізді.

Аталмыш кездесуде тараптар қауіпсіздік саласы бойынша өзара әрекеттесудің нақты мәселелерін талқылады.

Сондай-ақ, осы жылдың 23-24 маусымында Ташкентте ШЫҰ мүше мемлекеттер Кеңесінің басшылары бас қосатын отырысқа дайындық мәселелеріне ерекше көңіл бөлінді.