Петропавлда Тұңғыш Президент Күніне орай жастар «Нұр Отан» құрамына кірді

««Қызылжар су» ЖШС кәсіпорнында жұмысшыларды «Нұр Отан» партиясының қатарына қабылдау рәсімі өтті. Аталмыш шара Қазақстан Республикасының Тұңғыш Президенті күніне орайластырылған. Партия билеттерін 52 қыз-жігіт алды , олардың ішінде инженерлер, мемлекеттік тіл мамандары, ұсталар, экономистер, бухгалтерлер, диспетчерлер, мұрағат қызметкерлері бар», - делінген хабарламада.

29 жасқа дейінгі жігіттер мен қыздар ересектердің партия құрамына кіру туралы шақыруларын белсенді қолдады. Олар кәсіпкерліктің болашағы, жалпы облыстың, елдің тағдыры кейінгі жастарда екенін түйсініп, Қазақстанның даму болашағына үлестерін қосу үшін осындай қадамға барып отыр. Бұл жастар қазіргі таңда кәсіби мамандардың тәлімін алып, ірілі-ұсақты шаруаларға ат салысуда.

Партия билеттерін «Нұр Отан» партиясының қалалық филиалы төрағасының бірінші орынбасары Владимир Витченко табыстады.

«Соңғы үш жылда кәсіпкерлікке шамамен 200 жастар еңбекке келді. Қазірде олар алдарына белгілі бір мақсат қойып, сол жолда белсенділік танытуда», - дейді «Қызылжар су» ЖШС баспасөз хатшысы Эльмира Қабдулина.