ҚР Көлік қызметкерлері одағының бас директоры ЕОКЭЛО президенті болып сайланды

14 Сәуір, 2016 11:26

Астанада Еуропалық Одақтың көліктік, экспедиторлық және логистикалық ұйым (ЕОКЭЛО) мүшелерінің кеңейтілген жалпы жиналысы өтіп жатыр.

Жиынға қатысушылар Еуропа-Азия бағытына мультимодальдық тасымалды дамыту жөніндегі өзекті мәселелерді талқылады. Ондағы қаралған негізгі мәселе, Қазақстандағы автожолдардың даму перспективалары, халықаралық автомобиль тасымалы саласындағы проблемалар мен оның шешілу жолдары болды.

Астанадағы аталмыш іс-шараға қатысу үшін Қазақстан, Беларусь, Қырғызстан, Литва, Ресей және Украина елдерінен ірі салалық ассоциация мен одақтардың басшылары мен өкілдері келді.

«KAZLOGISTICS» Қазақстан көлік қызметкерлері одағының бас директоры Қанат Алмағамбетов Одақтың регламентіне сәйкес 3 жыл мерзімге ЕОКЭЛО президенті болып сайланды. Сонымен қатар, «АМАП КР» Қырғызстан Республикасының автомобиль тасымалы халықаралық ассоциациясы» бірлестігі ЕОКЭЛО мүшелігіне қабылданды.

Барлық жаңалықтар