АЭФ аясында 20-ға жуық шара өтеді – ҰЭМ

14 Сәуір, 2016 11:17

АЭФ аясында 20-ға жуық шара өтеді . Бұл туралы «Экономикалық зерттеулер институты» Басқарма төрағасы Әсет Ерғалиев Орталық коммуникациялар қызметiнде Астана экономикалық форумына дайындық тақырыбында өткен баспасөз мәслихатында мәлiмдедi.

«Осы жылы 25-26 мамырда Астана экономикалық форумы өтеді. Оның негізгі тақырыбы «Жаңа экономикалық жағдай: Әртараптану, инновация мен экономика білімі» болады. Аталмыш тақырыптың таңдалуы әлемдік экономикада болып жатқан шараларға байланысты», - деді Ә.Ерғалиев.

Оның айтуынша, қатысушылардың форумға ақылы түрде тiркелiп, қатысуында тұрған ештеңе жоқ. Осындай тәжiрибе шетелде кең тараған.

«Биылғы форумның негiзгi тақырыбы қазiргi экономикалық жағдаймен байланысты. Форум аясында барлығы 20-ға жуық шара ұйымдастырылмақ. Жыл сайынғы дәстүр бойынша негiзгi шара – пленарлық мәжiлiс болмақ. Ол 26 мамырда алғаш рет жеке ғимаратта – «Қазақстан» концерт залында өтедi. Биылғы форумның ерекшелiгi тiркеу алымының енгiзiлуi. Форумға қатысатын азаматтар 35 мың теңге төлеуi тиiс. Бұл пленарлық мәжiлiске қатыспайтындарға арналған алым. Ал форумға, оның iшiнде пленарлық мәжiлiске қатысатындар 100 мың теңгеден төлейді», - дейдi Әсет Арманұлы.

Анар Тәңірқұлова

Барлық жаңалықтар