Қазақмыс жыл басынан бері катодтық эквивалентті есеппен 55,5 мың тонна мыс өндірді

Бұл көрсеткіш  өткен  жылғы осы  уақытпен   салыстырғанда 4,1 мың тоннаға  (+8%) артық. Өндірілген  алтын  құйма  түрінде 850 килограмм, өткен  жылдың  I тоқсанымен  салыстырғанда – 95%, ал күміс 69 тонна, 12%  артық  өндірілді.

Жылдық  есеп  бойынша  алынған кеннің  құрамындағы  мыстың  көлемі 0,95% болды, бұл  өткен  жылғы  2015 жылдың  I тоқсанындағы кендегі  мыс  көлемінен (0,88%) артық, әрі  жоспарланған көлемнен  де 0,05% артық  болды. 2016  жылдың  I тоқсанында  Қазақмыстың  байыту  фабрикалары  7,4 миллион  тонна кен  өңдеді.

«Биылғы  жылы «Қазақмыс»  корпорациясы ЖШС  224,4 мың  тонна катодтық  эквивалентті  мыс  өндіруді  жоспарлап  отыр.

«Ең  бастысы бірінші  тоқсанда  біз  өндірістеріміздегі  еңбек қауіпсіздігін  сақтау  шараларын  жақсартып, қолайлы  еңбек  етуге  жағдай  жасадық. Бұл сұрақтар, бұрынғыша  «Қазақмыс» корпорациясының  ең  жауапты  мәселесі  болып  қала  бермек», - делінген хабарламада.  

Еңбек  ұжымдары   өндірістік  міндеттер  үдесінен  шыға  білді, уақытылы  орындады. Қазіргі  таңдағы  экономикалық ауыр  хал-ахуалға  қарамастан  корпорацияның  барлық өндірістері  тұрақты  жұмыс  істеп тұр» - деп мәлімдеді «Қазақмыс корпорациясы» ЖШС Басқарма төрағасы Бақтияр Қрықпышев.