ҚР-да 27 медициналық ұйым аккредиттеуден өтпеді – ДСМ

«Аккредиттеу қорытындысы бойынша 154 медициналық ұйымның ішінен 4 жылға тек 2 медицина мекемесі аккредитация алды: Қарағанды қаласының №3 емханасы мен Қостанайдың №4 емханасы. 2 жылдық аккредиттеуге 125 медицина мекемесі ие болды. Оның ішінде 12-сі жеке меншік. Қызмет көрсету бойынша сын көтермеген мекемелер аккредиттеуден өтпеді. Оған 27 медицина ұйымы кірді», - деп хабарламада нақтыланған.

Аталмыш ұйымдарға аккредиттеуге қайта өтініш білдірмес бұрын, ескертілген олқылықтарды қалпына келтіруі тиіс.

Айта кетейік, 2013 жылғы аккредиттеу жаңаша пішін бойынша өткізілді.

Ішкі медициналық ұйымдардың қызметін тексеру үшін елдің барлық облыстарынан 197 сарапшы шақырылды. 42 сарапшылық топ 5 апта көлемінде жұмыс істеді.