О.Пилецкий: Әйелдердің экономикалық және әлеуметтік дамуы - тұрақты қоғамның кепілі (ВИДЕО)
13 Сәуір, 2016 16:09
Әйелдердің экономикалық және әлеуметтік дамуы - тұрақты қоғамның кепілі, деп Орталық Азия мен Кавказ елдеріндегі Coca – Cola компаниясының үкімет және қоғаммен байланыс директоры Олег Пилецкий айтты.
«Әйелдерге қолдау мен көмек көрсету, көбінесе, әйелдер кәсіпкерлігіне қолдау жасау ел дамуының басым бағыттарының бірі болып табылады, яғни еліміз үшін маңызды, Coca-Cola компониясы үшін де маңызды»,-деді ол.
Оның айтуынша, тұрақты бизнес тек тұрақты қоғамда мүмкін, ал тұрақты қоғам әйелдердің экономикалық және әлеуметтік даму деңгейінде болады.
«Әйелдер отбасы мен қоғамның негізі болып табылады. Әйелдерге инвестиция жасау ең қолайлы және тиімді инвестицияның бірі болып табылады»,-деді ол.
Естерінізге сала кетейік, Қазақстанда ең үздік әйелдердің бизнес-идеясы бойынша Соса-Соlа Белестері байқауы жарияланды. Аталмыш байқаудың 10 жеңімпазы Соса-Соlа-дан өз жеке бизнесін ашу үшін қаражылық көмек алады.
Ботагөз Айтжанова
