2016 жылы Ақтөбе облысында 180 мыңнан астам ауыл шаруашылық жері бәссаудаға қойылады

13 Сәуір, 2016 19:53

2016 жылы Ақтөбе облысында 180 мыңнан астам ауыл шаруашылық жері бәс саудаға қойылады. Бұл туралы Ұлт жоспары «100 нақты қадамды» жүзеге асыру аясында Жер кодексі нормалары мен басқа да заңнамалық актілерді түсіндіру барысында Ақтөбе облысының әкімі Бердібек Сапарбаев айтты, деп хабарлайды «Ақтөбе ақпарат».

Іс-шара ҚР Ұлттық экономика министрлігі өкілдерінің, мемлекеттік, жергілікті атқарушы орган өкілдерінің, мемлекеттік емес ұйымдар мен ауыл шаруашылық тауар өндірушілердің қатысуымен Ақтөбе облысының әкімдігінде өтті.

«Мемлекет басшысының тапсырмасына сәйкес, Ұлт жоспары «100 нақты қадам» бойынша біздің алдымызда жер ресурстарын орынды әрі тиімді пайдалану мәселесі қойылған. Ақтөбе облысында ауыл шаруашылығын дамыту әлеуетіне ие 25 млн. гектар ауыл шаруашылық жерлері бар. Ең бастысы – ақылға қонымды тәсіл қолдана білу»,-деп атап өтті Б.Сапарбаев.

ҚР Ұлттық экономика министрлігінің мәліметінше, қазіргі таңда Қазақстанда 99,5 млн га, немесе 98,7 % ауыл шаруашылығына арналған же ұзақмерзімді жалға берілген. Тек 1,3 % жер ғана жеке меншік иелігінде. Инвентаризацияның қорытындысы бойынша, 2012-2014 жылдары 7,4 малн гектар ауыл шаруашылық жер учаскелері пайдаланылмаған. Соның ішінде Ақтөбе облысында 112 мың гектардан астам жер игерілмей жатыр.

Облыс әкімі Бердібек Сапрабаев биыл Ақтөбе облысында 189 мың гектар ауыл шаруашылығына арналған жер бәссауда арқылы жүзеге асырылады, деп хабарлады. Бәссауда 2016 жылдың 1-ші шілдесінде басталмақ.

Барлық жаңалықтар